Tutto è silenzio,

attuorno a me stasera,

e comm’è doce

chest’aria ‘e primavera!

Pare ch’è fatta pe’ chi s’è ‘nnammurato,

tanto è gentile,

vuliosa e affatturata!

Ma tu...te ne si ghiuta fore!!

E j’ stongo a cuntà ll’ore!

Io...sulo! E penzo a te!

E vola p”a campagna

chistu pensiero e arriva addo’ staje tu! 

‘Stu core l’accumpagna,

‘stu core mio,

ca nun te lassa cchiù!

Suonno ‘e sta fantasia,

m’abbrucia ‘e vvene

‘na smania ‘e te vedé!

Torna, speranza mia,

ch’io moro senza ‘e te!!

Alfonso Brancaccio (Planio)

Dall’opuscolo con CD: «Torna Napulitano»

Volume 2° -Marzo 1999

Traduzione a cura di Rino Vittozzi

Pensando a te!

Tutto è silenzio/ intorno a me questa sera/ e com’è dolce/ quest’aria di primavera!// Sembra che è fatta per chi si è innamorato/ tanto è gentile/ vogliosa e stregata!/ Ma tu...te ne sei andata fuori!!// Ed io sto a contar le ore!/ Io...solo! E penso te!/ E vola per la campagna/ questo pensiero e arriva dove sei tu!// Questo cuore l’accompagna/ questo cuore mio/ che non ti lascia più!/ Sogno di questa fantasia// mi brucia le vene/ un’agitazione di vederti!/ Torna, speranza mia/ che io muoio senza di te