Si ‘na femmena te lassa

o te giura ammore eterno,

hê ‘a penzà ca tutto passa,

passa ‘a State e passa ‘o Vierno…

E si ‘o tiempo va passanno

accussì passammo nuje;

passa n’anno e già nat’anno

se presenta e se ne fuje!...

È destino, e chella è ‘a legge;

che vuò fa? hê ‘a tirà annanze;

mo ‘nu poco te prutegge,

po’ fa perdere ‘e speranze.

E si spiere n’ata vota

pe’ nun perdere ‘a partita

hê ‘a girà comm’a ‘na rota,

tutt”a vita, tutt”a vita!

Ma ‘a sfurzata è troppo forte

quanno hê perza ‘a giuventù:

vene ‘ Vierno, vene ‘a Morte

e te pierde pure tu…

Antonino Alonge

Dall’Antologia “Un Secolo D’oro”

a cura di Giovanni Sarno

Edizioni Bideri - Napoli - 1968

Traduzione di Rino Vittozzi

Tutto passa

Se una donna ti lascia/ o ti giura amore eterno/hai da pensar che tutto passa/passa l’Estate e passa l’Inverno…//E se il tempo va passando/ così passiamo noi/passa un anno e già un altro anno/si presente e se ne scappa!//È destino, quella è la legge/che vuoi far? si tira avanti/per un poco ti protegge/poi fa perder le speranze//E se speri un’altra volta/ per non perder la partita/hai da girar come una ruota/tutta la vita, tutta la vita!//Ma lo sforzo è troppo forte/quando hai perduta la gioventù/viene l’Inverno, viene la morte/ e ti perdi pure tu...