‘O  MARIUNCIELLO

Songo sagliuto ‘ncoppo a ll’autobusse.

‘Nu guaglione è sagliuto ‘nzieme a mme.

Nun ce capeva e s’è ‘nfilato ‘o stesso…

sfilanno ‘o portafoglio ‘a pietto a mme.

L’aggio afferrato e simmo scise ‘nterra.

Chiagnenno, isso m’ha ditto:- Signurì,

nun so’ mariuolo, chist’è ’o portafoglio,

mammà senza ’sti sorde po’ murì.

So’ abbandunato ’a tutto quanto ’o munno,

nun tengo pate, songo sfortunato,

nun pozzo faticà, songo malato,

venite a’ casa mia pe’ giudicà. -

Era sincero, se leggeva ’nfaccia,

aggio pigliato ’e sorde e ce ’aggio dato

e po’ m”o so’ astrignuto dint”e bbraccia.

Se n’è fujuto senza se girà.

Penzammo quacche vota pure nuje,

a chesta gente ca nun po’ mangià;

dàmmole nuje ’na mano e so’ sicuro

ca Dio da ’o cielo ce benediciarrà.

Antonio Sigillo

Da:- Napoli Eterna Poesia - Anno terzo -

Edizioni «Lo Stiletto» Napoli 1993

1993

Il ladruncolo

Sono salito sull’autobus./ Un ragazzo è salito insieme a me./ Non c’entrava e si è infilato lo stesso…/ sfilandomi il portafogli dal petto.// L’ho afferrato e siamo scesi a terra./ Piangendo, lui mi ha detto: - Signore,/ non sono ladro, questo è il portafogli,/ mamma senza questi soldi può morire.// Sono abbandonato da tutto il mondo,/ non ho padre, sono sfortunato,/ non posso lavorar, sono malato,/ venite a casa mia per giudicare.-/ Era sincero, si leggeva in viso,/ allora ho preso i soldi e gliel’ho dati/ dopo me lo son stretto tra le braccia./Se ne è scappato senza girarsi.// Pensiamo qualche volta pure noi,/ a questa gente che non può mangiare;/ diamogli noi una mano e son sicuro/ che Dio dal cielo ci benedirà.