Mese d’Abbrile! ch’aria ‘mbarzamata,

se sente attuorno, ‘addore d”e viole;

ca pure si chiuvesse , ‘sta jurnata,

tutta ‘sta casa, fosse chiena ‘e sole!

Ogge, nasciste tu, rosa affatata,

‘nzieme cu ‘a primmavera, tutta ‘nfiore,

ch”a tutte quante, è tanto suspirata,

pecché porta speranze, fede e ammore.

E a te, ca stive atturniata ‘e spine,

‘a primavera te dicette: -Viene,

te voglio fa regina d”e ciardine,

fa’ allero a chi te coglie e te vo’ bene!

E chillu ciardeniero affurtunato,

songh’io, ch”a cugliette cu sta mano;

e ‘a guardo, ‘a curo e ll’arracquo c”o sciato,

cu ‘a passione ‘e ‘nu napulitano!

Pecché, pe’ me,è ‘na cosa preziosa,

ca ll’haggio dato vita, bene e ammore,

e niente ‘a po’ cagnà, pecché sta rosa…

tene pe’ testulella chistu core!

Armando Cenerazzo

Da “ Rose rosse e rose gialle”

Alfredo Guida Editore -Napoli 1957 -

Traduzione a cura di Rino Vittozzi

La rosa

Mese di Aprile! che aria imbalsamata,/ si sente intorno, l’odore delle viole;/ed anche se piovesse, questa giornata,/tutta questa casa, fosse piena di sole!// Oggi, nascesti tu, rosa fatata,/insieme con la primavera, tutta in fiore,/ che da tutti quanti,è tanto sospirata,/ perché porta speranze, fede e amore.// E a te, che stavi attorniata di spine,/ la primavera ti disse: - Vieni,/ ti voglio far regina dei giardini,/ fare allegro chi ti coglie e ti vuole bene!// E quel giardiniere fortunato,/ sono io, che ti colse con questa mano;/ e la guardo, la curo e la innaffio col fiato,/ con la passione di un napoletano!// Perché, per me, è una cosa preziosa,/ che gli ho dato vita, bene e amore,/e niente la può cambiare, perché questa rosa…/tiene per vaso questo cuore!