‘O BALCONE MIO

Chistu balcone mio, pittato ‘e sole

cu ‘na ringhiera arravugliata ‘e verde,

addò pe’ mmiezo, comm”e mariole,

cacciano ‘a capa ’e rrose e ‘e vviole,

se trova proprio a centro d”o ciardino

e ttene ‘o manto attuorno ‘e rampicante.

A pprimma vista, ll’acqua d”o Serino

zampilla ‘int”a na vasca, fragna e canta.

Pure ‘o canario canta ‘int”a cajola,

ca tengo appesa sott”a perziana.

‘Sta casa mia fa overo cannavola

a tutt”e nnammurate e ‘a gente anziana.

Quanno m’assetto annanze a ‘sta ringhiera,

me pare e me vedé dint”a ‘na Reggia…

Che n’aggia fa ‘a curona e ‘a culliera?

M’abbasta ‘stu balcone cu ‘sta seggia.

Dicite vuie: - Che d’è tutta sta brama? -

- Chistu balcone ‘a copp”a sta cullina,

me fa vedè ‘o cchiù bello panorama:

« Pusilleco, Surriento e Margellina ».

Carmela Papini Borgomeo

Da: - Stelle e Rose -

Raccolta Antologica di Poesie

Unione Napoletana Autori 1990

Il mio balcone

Questo balcone mio, dipinto di sole/ con una ringhiera avvolta di verde,/dove nel mezzo, come ladre,/ fanno capolino rose e viole,// si trova proprio al centro del giardino/ e tiene il manto intorno di rampicanti./ A prima vista, l’acqua del Serino/ zampilla in una vasca, freme e canta.// Anche il canario canta nella gabbia,/ che tengo appesa sotto la persiana./ Questa casa mia fa davvero gola/ a tutti gli innamorati e la gente anziana.// Quando mi siedo innanzi a questa ringhiera,/ sembra che mi veda in una Regia…/ che ne debbo fare la corona e la colliera?/ Mi basta questo balcone con questa sedia.//Direte voi:- Cos’è tutta questa bramosia?-/ - Questo balcone dalla cima di questa collina,/ mi fa vedere il più bel panorama:/ « Pusillipo, Sorrento e Mergellina ».