Rose senza cchiù vita, arravugliate

dint”e carte veline, stanno esposte

dint’a tutte ‘e vetrine, apparicchiate,

p”a festa ‘e tutte quante ‘e mmamme noste.

Sciarpette ‘e seta, cullanelle ‘argiento,

‘nu core ‘e ciucculata appiso â corda:

so’ ccusarelle ca nun vanno niente,

ma iéncheno ‘a cascetta d”e ricorde.

I’ m’addimanno, ma che festa è chesta?

Nu curre curre, basta ca se spenne

sceglienno a ccaso mmiezo a ‘sta menesta:

‘o bbene, ‘o cchiù carnale, nun se venne.

E tutte ll’ati juorne ‘e n’anno sano?

Simme sicure ca facimmo ‘o stesso?

E ‘e chesta paccuttiglia che rummane?

Carta ndurata e scatule ‘e prumesse.

Ma quanno guardo ncielo, verz”e stelle,

me sento dint”o core ‘nu currivo:

‘sta festa ‘e Maggio, fatta ‘e cusarelle,

l’haggio perduta nzieme a mammà mia.

Carmine Capasso

Da “ Duie core “

Poesie napoletane

Rolando Editore -Marzo 2003-

Traduzione a cura di Rino Vittozzi

Una festa di Maggio

Rose senza più vita, avvolte/ nelle carte veline, sono esposte/ in tutte le vetrine apparecchiate,/per la festa di tutte le mamme nostre.// Sciarpette di seta, collanine d’argento,/sono cosette senza alcun valore,/ ma riempiono la cassetta dei ricordi.// Io mi domando, ma che festa è questa?/ Un fuggi fuggi, basta che si spende/ scegliendo a caso in mezzo a questa minestra:/ il bene, il più carnale, non si vende./ E tutti gli altri giornidi un’anno intero?/ Siamo sicuri che facciamo lo stesso?/ Di tutti questi pacchi che rimane?/ Carta indorata e scatole di promesse.// Ma quando guardo in cielo, verso le stelle,/mi sento nel cuore tanta rabbia:/ questa festa di maggio, fatta di cosucce,/ io l’ho perduta insieme a mamma mia.