L’ONESTÀ

Ma comme fa,

ma comme fa ‘sta gente…!

n’amico c”o stipendio comme ‘o mio

già s’accattato ‘o terzo appartamento,

pe’ dicere ‘o patrone so’ sul’io

perciò ‘a parola “affittasi” è fernuta

pecché c’è gente ca s”a po’ accattà

e io, songh’anne e anne ca fatico.

Nun tengo niente,

chesta è ‘a verità,

io songo onesto, e a’ ggente nun lle ‘mporta,

nun tengo niente...a chi ce ‘o pozzo dì?

so’ stato scemo o nun tengo sciorta

era destino, eva j’ accussì.

Essere onesto oggi è un grande errore,

sulo ‘mbruglianno se po’ migliurà,

ma che ce pozzo fa si dint”o core

sta scritto: - ‘E ‘a sulamente faticà -.

Forse pecché dinto a ‘stu core mio

è nnata primma l’onesta e po’ io.

Carmine Russo

Da: - Le mie Poesie -

Stampato in proprio - Anno 1986 -

L’onestà

Ma come fa,/ ma come fa questa gente…!/un’amico con lo stipendio come il mio/ già si è comprato il terzo appartamento,/ per dire il padrone son sol’io/ perciò la parola “affittasi” è finita/ perché c’è gente che se la può comprare/ ed io son anni e anni che lavoro.// Non tengo niente,/ questa è la verità,/ io sono onesto, e alla gente non importa,/ non tengo niente...a chi lo posso dire?/ sono stato scemo o non tengo fortuna/ era destino, doveva andare così.// Essere onesto oggi è un grande errore,/ solo imbrogliando si può migliorare,/ma che ci posso fare se nel cuore/ sta scritto: - Devi solamente lavorare -.// Forse perché in questo cuore mio/ è nata prima l’onestà e poi io.