A vvranche ‘e stelle cadono da ‘o cielo

‘ncopp”e mmuntagne, a mare, ‘ncopp”e ccase,

meliune ‘e desiderie ll’accumpagnene

ognuno ‘e nuje sperammo a quacche cosa.

Sera d’Austo, afosa e senza viento

‘e ffronne ‘ncoppe a ll’albere so ‘e chiummo,

da quacche fenestella ca sta aperta

se senteno ‘e suspire ‘e chi nun dorme.

Sott”o balcone mio ce sta ‘nu vascio,

dinto ce stanno ddudece perzone,

‘na coppia ‘e meza età cu ‘e ggenitore

‘a figlia mmaretata e... sette chiuove.

Vulevene vedé ‘e cadé ‘e stelle

jetteno a ppere fino a Margellina,

pe’ sciorta llora ‘o cielo steve niro

e ‘o desiderio nun se putette fà.

Speravano d’avé ‘a casarella!

‘Stu desiderio nganno ll’è rimasto

nemmeno ‘na preghiera a Dio Putente

pe’ chesta gente onesta e puverella.

Ciro Ardito

Dal Volume “Emozioni”

a cura di Giuseppe Desideri

Edizioni - Napoli È - Luglio 1995 -

Traduzione a cura di Rino Vittozzi

La notte di San Lorenzo

A gruppi le stelle cadono dal cielo/sopra le montagne,a mare, sopra le case/milioni di desideri li accompagnano/ognuno di noi speriamo in qualche cosa.//Sera d’Agosto, afosa e senza vento/le foglie sugli alberi sono di piombo/da qualche finestrella che sta aperta/si sentono i sospiri di chi non dorme.//Sotto il balcone mio c’è un basso/dentro ci sono dodici persone/una coppia di mezza età con i genitori/la figlia maritata e...sette bimbi.//Volevano veder cadere le stelle/andarono a piedi fino a Mergellina/per fortuna loro il cielo era nero/e il desiderio non si poté fare.//Speravano di avere la casetta!/Questo desiderio alla gola gli è rimasto/ nemmeno una preghiera a Dio Potente/per questa gente onesta e poveretta .