VICENZINO

Quase dduie metre, ll’uocchie vispe: bello!

‘Na perla rara d’ommo è ‘stu guaglione,

è onesto, è ‘a meglia parte d”e perzone

diceno : - È d’oro chistu figliariello. -

Che purtamento! Cu ‘na chioma nera,

‘ncopp”o cavallo me pare n’attore,

‘ntona ‘nu siscariello cantatore,

ca ‘o passo d”o cavallo fa leggiero.

Tene ‘a semplicità ‘e ‘nu core puro

‘int’a ll’eta cchiù bella ‘e tutt”a vita,

na gioia ‘n pietto, na “lealtà infinita”

chiara e nnucente comm’a nu criaturo.

È serio assaje e nun dice parola

ma, p’ogni cosa t”o truove vicino:

serio e carnale, chisto è Vicenzino,

e cu ‘a buntà d”o core te cunzola!

Si ‘o vide, tene ‘a forza ‘e nu lione!

faticatore, e ‘e chestu ccà n’è fiero,

è schietto, è ll’amicone cchiù sincero…

p”o frato more chistu carnalone.

Concetta Ripoli

Da: - All’ombra d”e stelle -

Istituto grafico Editoriale Italiano

- Napoli 2000 -

Vincenzino

Quasi due metri, gli occhi vispi: bello!/ Una perla rara d’uomo è questo ragazzo,/ è onesto, è la migliore parte delle persone/ dicono: - E’ d’oro questo figlioletto.-// Che portamento! Con una chioma nera,/ sul cavallo mi sembra un’attore,/ intona un fischiettino cantatore,/ che il passo del cavallo fa leggero.// Tiene la semplicità di un cuore puro/ nell’età più bella di tutta la vita,/ una gioia in petto, una “lealtà infinita”/ chiara e innocente come un bambino.// E’ molto serio e non dice parola/ ma, per ogni cosa te lo trovi vicino:/ serio e carnale, questo è Vincenzino,/ e con la bontà del cuore ti consola!/ Se lo vedi, tiene la forza di un leone!/ lavoratore e di questo ne è fiero,/ è schietto, è l’amicone più sincero…/ per il fratello muore questo carnalone.