Sera ‘e Settembre, che malincunia,

‘e pprimme fronne cadene dall’albere,

furmanno ‘nterra, ‘nu tappeto ‘e culure

scure e triste: è l’autunno!

Io sulo areto a ‘e lastre d”a fenesta,

cu ‘o pensiero luntano e ‘o sguardo fisso

dinto a ‘nu viale ‘e ciardino,

addò ‘o viento move ‘e ffronne ca vulanno,

mme pareno tanta rundinelle ca s’alluntanano,

pe’ truvà ‘o calore, e turnà a primavera.

‘Na coppia, ca lentamente cammina

abbracciata, me pare ‘e me vedé,

‘nzieme a te, quanno dint”e ssere d’autunno

m’astrignevo a te, pe’ paura ca ‘o viento

t’avesse alluntanata e perdere

‘a felicità, ‘o bene, l’ammore,

‘e vase tuoie……………….

Ero troppo felice ‘nzieme a te.

Ma comme a ‘na fronna, ‘o viento d”o destino

t’ha purtata luntana ‘a me,

...e nun t’haggio visto cchiù.

Franco Camera

Da “Stelle e rrose”

Raccolta Antologica di Poesie - Concorso U.N.A.

Giugno 1990

Traduzione a cura di Rino Vittozzi

Sera di Settembre

Sera di Settembre, che malinconia,/ le prime foglie cadono dagli alberi,/formando a terra, un tappeto di colori/ scuro e triste: è l’autunno!// Io solo dietro i vetri della finestra,/con il pensiero lontano e lo sguardo fisso/dentro un viale di giardino,/dove il vento muove le foglie che volando,/mi sembrano tante rondinelle che si allontanano, per trovare il calore, e tornare a primavera.// Una coppia che lentamente cammina/ abbracciata, sembra di vedermi/ insieme a te,quando nelle sere d’autunno/ mi stringevo a te, per paura che il vento/ ti avesse allontanata e perdere/ la felicità, il bene,l’amore,/ i baci tuoi…..//Ero toppo felice insieme a te.// Ma come una foglia, il vento del destino/ ti ha portata lontana da me,/ ...e non ti ho vista più.