Quanno è ll’ora quieta d”a notte,

ca nisciuno p”o vico se sente,

io m’affaccio...E me veneno a mente

ll’ore belle passate cu te…

Era Maggio. N’addore d’arance

se spanneva, liggiero liggiero…

E tu pure tenive ‘o pensiero

d’ascì fore ‘a fenesta a parlà.

Mandulino ca suone ‘a luntano,

io te sento e, penzanno, m’affaccio.

‘Sta canzone ‘a cchiù tènnera ‘a saccio.

Ati tiempe me vo ricurdà.

Mandulino ca parle a ‘stu core,

a me pare ‘e sentì, chianu chiano,

quase tutta ‘na storia, ‘a ‘sta mano

ca sunanno a chest’ora te sta…

È già n’anno ca guardo ‘a fenesta,

ma sta nchiusa...E ‘o pecché nun se sape…

E nisciuno cchiù ‘a sera ll’arape…

E nisciuno se vede affaccià.

Giovanni Capurro

Dal volume “Poesie”

a cura di Pasquale Rocco

Casa Editrice Bideri - Napoli 1952 -

Traduzione a cura di Rino Vittozzi

Dopo un anno

Quando è l’ora calma della notte,/che nessuno per il vicolo si sente,/io mi affaccio...E mi vengono alla mente/le ore belle passate con te…// Era Maggio. Un odore di aranci/ si spandeva, leggiero leggiero…/E anche tu tenevi il pensiero/ di uscir fuori la finestra a parlare.// Mandolino che suoni da lontano,/io ti sento e, pensando mi affaccio./Questa canzone la più tenera la conosco./ Altri tempi mi vuol ricordare.//Mandolino che parli a questo cuore,/a me sembra sentir, piano piano,/ quasi tutta una storia, da questa mano/ che suonandoa quest’ora ti sta…// È gia un anno che guardo la finestra,/ma sta chiusa...il perché non si sa…/E nessuno più la sera l’apre…/ E nessuno si vede affacciar.