Overamente è ‘nu malato ‘e core

e ‘o miedeco ll’ha ditto ‘e nun fuma’

pecché, si fuma, certamente more

e manco ‘o Pateterno ‘o po’ salvà.

Pirciò se sta quieto, zitto e muto

se cura cu fermezza e vuluntà:

‘o ssape ca si sgarra s’è futtuto

e ‘o berzagliero nun ‘o po’ cchiù ffa’.

Mo dorme...e sonna ‘o diavolo cu ‘e scelle

ca, ‘e notte, ‘o jeva sempe a sfruculia’

cellechianno ‘e penne d”o cappiello

ca ‘o facevano’nzisto: ‘nu gagà.

Pe’ chistu fatto, ‘e vvote, smaniava

peggio ‘e ‘nu toro ch’ha da torea’:

sputava fuoco, cennere e scuppiava

vuttanno prete e llava ‘a ccà a llà.

...E mo nun fuma cchiù! Ma ‘o figlio ‘e ‘ndrocchia

‘o ffa pecché se vo’ fa perduna’

‘e guaie ch’ha fatto e doppo, senza macchia,

quanno se sceta turnarrà a fuma’.

Giuseppe Cangiano

Da “Nun me tuccate Napule”

Edizioni Ferraro - Novembre 1982 -

Traduzione a cura di Rino Vittozzi

Il Vesuvio

Veramente è un malato di cuore/ e il medico gli ha detto di non fumare/ perché, se fuma, certamente muore/ e nemmeno il Padre Eterno lo può salvare.// Per questo si sta quieto, zitto e muto/ si cura con fermezza e volontà:/ lo sa che se sbaglia si frega/ e il bersagliere non lo può più fare.// Adesso dorme...e sogna il diavolo con le ali/ che, la notte, lo andava sempre a burlare/ solleticando le penne del cappello/ che lo facevano insistente: un gagà.//Per questo fatto, a volte, si agitava/ peggio di un toro che deve toreare:/ sputava fuoco, cenere e scoppiava/ buttando pietre e lava in ogni dove.//...E adesso non fuma più! ma il furbacchione/ lo fa perché si vuole far perdonare/ i guai che ha fatto e dopo, senza macchia,/ quando si sveglia tornerà a fumare.