Se trova spisso ‘ncopp’a chistu munno

chi nasce quatro ma addeventa tunno,

chi nasce sano e po’ caccia ‘o scartiello

chi nasce ricco e more puveriello.

Nce sta ‘o signore nobbele ca tene

 comme se dice ‘o sango blu ‘int”e vvene

a vvote dint”a capa ‘e na creatura

nce truove ‘o ssale e a vvote ‘a segatura

e spisso truove pure n’animale

ca tene ‘e ccorne - comm’è naturale -

Ma a vvote truove pure - verbigrazia -

chi cu ‘e ddoje corne more pe’ disgrazia.

“Esempi: ‘onna Teresa Cammarana

e don Filippo, ‘o figlio d”a vammana;

- salute a vvuje - chistu disgraziato

se n’è partuto curnuto e mazziato.

Pirciò che ‘o mulo è nato furtunato

e furtunato more comm’è nato

e furtunato sempe j’ ‘o saluto:

cà po’ murì mazziato...maje cornuto.

Giuseppe Cicala

Da - Suspire d’ammore e penziere -

Ed. Unione Artistica Partenopea (S.D.)

Traduzione a cura di Rino Vittozzi

Il mulo

Si trova spesso su questo mondo/ chi nasce quadrato ma diventa tondo,// chi nasce sano poi caccia una gobba/ chi nasce ricco e muore poveretto./ C’è il signore nobile che tiene/ come si dice il sangue blu nelle vene// a volte nella testa di una creatura/ ci trovi il sale e a volte la segatura/ e spesso trovi pure un animale/ che ha le corna - com’è naturale -./ Ma a volte trovi pure - per esempio -/chi con le due corna muore per disgrazia.// “Esempi: donna Teresa Cammarana/ e don Filippo, il figlio della levatrice;// -salute a voi- questo disgraziato/se ne è partito cornuto e percosso./ Per questo il mulo è nato fortunato/ e fortunato muore com’è nato// e fortunato sempre io lo saluto:/ che può morir percosso...mai cornuto.