| Airola Giuseppina - CAMPO ACCUSSÌ… |
|
CAMPO ACCUSSÌ… Campo accussì, comme campasse nzuonno, niente mme pare certo, overo niente; me sento sola ncopp’a chistu munno, me veco sperza mmiez’a tanta gente! Nun c’è cchiù luce pe’ ‘sta vita mia, campo accussì! Ma senz’avé paura, senza sapé addò vaco, pe’ qua via, cammino sola, a ‘o scuro, e so’ sicura. E nun me fermo maje, e maje s’allenta ‘o pede mio, e maie mme tremma ‘o core, core ca nun cunosce tradimento, ch’ha campato surtanto p”o dulore! E beneditto sia pure ‘o dulore, quanno nun l’accumpagna ‘a nfamità; nu’ mporta ca fa chiagnere ‘nu core, si lle da forza e ffede pe’ campà! Che fa si campo comme fosse nzuonno? Che fa si niente pare certo e overo? Che fa si stongo sola ncopp”o munno? Puro è stu core, puro è stu penziero! Giuseppina Airola Dal Volume “Poesie Napoletane” Virginio Palomba - Editore - Napoli Agosto 1956 Traduzione a cura di Rino Vittozzi Vivo così...
Vivo così, come vivessi in sogno/niente mi sembra certo,davvero niente/mi sento sola sopra questo mondo/mi vedo spersa in mezzo a tanta gente!//Non c’è più luce per questa vita mia/vivo così! Ma senza aver paura/senza sapere dove vado per quale via/cammino sola, all’oscuro, e sono sicura//E non mi fermo mai, e mai si allenta/il piede mio,e mai mi trema il cuore/cuore che non conosce tradimento/che ha vissuto solo per dolore!//E benedetto sia anche il dolore/quando non l’accompagna l’infamia/non importa che fa piangere un cuore/se gli da forza e fede per vivere!//Cosa fa se vivo come fosse un sogno?Cosa fa se niente sembra certo e vero?/Cosa fa se sono sola su questo mondo?/Puro è questo cuore, puro è questo pensiero.
|