NATALE  LUNTANO

Pe’ me sarria Natale si putesse

turna’ pe’ sempe dint”a casa mia,

sentirme attuorno attuorno sempe ‘o stesso

profumo ‘e cose care e po’ p”a via,

‘ncuntranneme cu ‘a gente ‘e stu Paese,

mme vularria scurdà ch’esiste ‘o male,

vurrìa pe’ chisti iuorne ‘sta pretesa,

‘stu suonno ca può ffà sulo a Natale.

Pecché ‘e Natale tutto se cunfonne,

te pare overo chello ca è buscìa,

te pare ‘e campà ‘int”a n’atu munno,

te siente attuorno tutta n’armunia.

E ‘int”a ‘stu suonno mme ce abbandunasse

pe’ me gudé sti feste alleramente

e tutt”e ccose brutte m”e scurdasse

lassanno sulo ‘o bello dint”a mente.

Ma stò luntano e me se astregne ‘o core

e ‘a luntananza te distrugge ‘e suonne,

‘e juorne tutt’eguale, eguale ll’ore,

è overo ca è Natale? M’addimanno!

Lina Piedimonte Celentano

Da: - ‘A Famiglia -

Riemma Editore - Napoli 1989 -

Natale lontano

Per me sarebbe Natale se potessi/ tornar per sempre nella casa mia, sentirmi tutto intorno sempre lo stesso/ profumo di cose care e poi per la via,// incontrandomi con la gente di questo Paese,/ mi vorrei dimenticare che esiste il male,/ vorrei per questi giorni questa pretesa,/ questo sogno che puoi fare solo a Natale.// Perché di Natale tutto si confonde,/ ti sembra vero quello che è bugia,/ ti sembra vivere in un altro mondo,/ ti senti intorno tutta  un’armonia.// E in questo sogno mi ci abbandonassi/ per godermi queste feste allegramente/ e tutte le cose brutte mi scordassi/ lasciando solo il bello nella mente.// Ma sto lontano e mi si stringe il cuore/ e la lontananza ti distrugge i sogni,/ i giorni tutti uguali, uguali le ore,/ è vero che è Natale? Mi domando!