Se so’ stutate ‘e lluce mmiez”a via,

l’alba se porta ll’ombre d”a nuttata…

Tutto se sceta e mme fa cumpagnia;

n’alba cchiù bella nun è maje schiarata

pe’ me ca tutt”a notte haggio pregato

e finalmente ‘a grazia l’haggio avuta!

Nun saccio quanta Sante haggio chiammato;

va trova mo qua’ Santo m’ha sentuto…

Io, ca ‘int”a Chiesia nun so’ maje trasuto,

stongo aspettanno ch’esce ‘a primma Messa.

Mo’ penzarranno: “ Chisto ‘un ha durmuto

pe’ sta ccà fore ‘a Chiesia accussì ampresso! “

Tengo tre notte ‘ncuollo, ma mme sento

comme si ‘a poco mme fosse susuto…

Fummo e cafè...gué, senza mangià niente…

nun saccio allerto chi mm’ha mantenuto!

Ma che ce penzo a fa si ‘o sole sponta

e haggio capito ch’è ‘a felicità?

Mamma sta meglio, sulo chesto conta.

E io pozzo ancora dicere: -Mammà-

Nando Clemente

Da:- ‘E ppazzielle -

Edizioni 2000 -Ercolano 1981 -

Traduzione a cura di Rino Vittozzi

Felicità

Si sono spente le luci in mezzo alla via,/ l’alba si porta le ombre della notte…/ Tutto si sveglia e mi fa compagnia;/ un’alba più bella non è mai schiarata// per me che tutta la notte ho pregato/ e finalmente la grazia l’ho avuta!/ Non so quanti Santi ho chiamato;/ chi lo sa quale Santo mi avrà sentito…/ Io, che nella Chiesa non sono mai entrato,/ sto aspettando che esce la prima Messa./ Adesso penseranno:”Questo non ha dormito/ per stare qui fuori alla Chiesa così presto!”// Tengo tre notti addosso, ma mi sento/ come se da poco mi fossi alzato…/ Fumo e caffè...senza mangiare niente…/non so in piedi chi mi ha mantenuto!// Ma che ci penso a fare se il sole sorge/ e ho capito cos’è la felicità?/ Mamma sta meglio, solo questo conta./ E io posso ancora dire - Mamma -