Nce ‘ncuntrammo ogni matina.

Tu accumpagne ‘o piccerillo,

io accumpagno ‘a piccerella.

Vanno ‘nzieme a’ stessa scola,

comme a nnuje...tant’anne fa!

E ‘sta scola è ‘a stessa scola

ca nce ‘a viste guagliuncielle,

tu, ‘nu poco strappatella,

io, ‘nu poco scurnusiello,

stevo sempe affianco a te…

Te ricuorde? Nun dì: No!

Certo, ‘o ssaccio, mo ‘o ppassato

a che giova arricurdà?

Ma! Te giuro, che facesse

si putesse riturnà…

‘n’ata vota guagliunciello

comme a chistu piccerillo,

e tené ‘sta piccerella

comm’allora, strappatella,

assettata affianco a me!

Raffaele Autunno

Dal Volume “Acene d’oro”

a cura di Salvatore Maturanzo

Edizioni La Floridiana - 1956 -

Traduzione a cura di Rino Vittozzi

La stessa scuola

C’incontriamo ogni mattina./ Tu accompagni il piccolino,/io accompagno la bambina./ Vanno insieme alla stessa scuola,/come noi...tanti anni fa!// E questa scuola e la stessa scuola/ che ci ha visti piccolini,/tu un poco grandicella,/ io un poco vergognoso,/ stavo sempre al fianco tuo…//Ti ricordi? Non dire: No!/ Certo, lo so, adesso il passato/ a che giova ricordarlo?/ Ma! Ti giuro, che facessi/ se potesse ritornar…// un’altra volta ragazzino/ come a questo bambino,/ e tenere questa bambina/ come allora grandicella/ seduta al mio fianco!