E fuje pe’ chella vocca e chella voce

ca lle cercaie nu vaso a pprimma sera:

Abbrile, attuorno a nuje, sincero e ddoce,

spanneva n’aria fresca ’e primavera.

Gesù, nun ce l’avesse maje cercato.

Comm”a na lampa ’e fuoco se facette.

Me l’anniaje tre vvote. E ’i ’ntussecato,

senza guardarla ‘nfaccia, me ne iette.

E resistette cchiù ’e na semmana…

Nun saccio comme nun ascette pazzo.

Ma, doppo ’e smanie ’e na jurnata sana,

‘a sera me fermaje nnanze ’o palazzo.

‘O guardaporta me tenette mente,

cu ’e mmane dint”e sacche d”o cappotto,

capuzziaie nu poco... e ‘i, lentamente

stevo vutanno ‘e spalle, quanno ‘e botto,

me sentette appuià, leggia e aggarbata,

na mano ‘ncopp”o cuollo. E mmiez”a via,

chella vocca addurosa ‘e marmellata,

restaie ‘cullata ‘ncopp”a vocca mia.

Raffaele Chiurazzi

Da “Sole Ombre Penombre”

Salvatore Iodice Editore -Napoli (S.D.)

Traduzione a cura di Rino Vittozzi

Quella bocca

E fu per quella bocca e quella voce/ che gli cercai un bacio a prima sera:/Aprile, intorno a noi, sincero e dolce,/ spandeva un’aria fresca di primavera.// Gesù, non glielo avessi mai cercato./ Come una fiamma di fuoco si fece./ Me lo negò tre volte. E intossicato,/senza guardarla in faccia, ma ne andai.// E resistii più di una settimana…/Non so come non uscii pazzo./ Ma, dopo le smanie di una giornata intera,/la sera mi fermai innanzi al palazzo.// Il portiere mi guardò,/con le mani nelle tasche del cappotto,/ muovendo la testa...e io lentamente/ stavo voltando le spalle, quando di botto,// sentii appoggiarmi, leggera e garbata,/una mano sul collo. E in mezzo alla strada,/quella bocca odorosa di marmellata,/ restò incollata sulla bocca mia.