Vuie tenite ‘nu muscillo

ca v’è tanto affezionato

e sta sempe ‘nzino a vuje,

allisciato, accarezzato.

Isso dorme p’ore e ore,

calmo, placido e bellillo;

e, che saccio, i’ so’ geluso,

so’ geluso ‘e ‘stu muscillo.

Si putesse pe’ ‘nu juorno

‘nu gattillo addeventà,

m’addurmesse mbraccio a vuie,

me facesse accarezzà;

ma penzanno, tutto nzieme,

comme site malamente,

ve sceppasse chesta faccia

tantu bella e ndifferente.

Po’ fujesse ncopp”e titte,

da ‘e guaglione secutato,

senza sciato, ma cuntento

ca me fosse vendicato.

Renato Benedetto

Dal Volume di Poesie

« ‘E ccurvine »

Ed. La Famiglia Italiana

Napoli - Settembre 1965

Traduzione a cura di Rino Vittozzi

Il Gattino

Voi tenete un bel gattino/ che vi è tanto affezionato/ e sta sempre in braccio a voi,/lisciato e accarezzato.// Lui dorme per ore e ore,/calmo,placido e bellino;/ e, che so, sono geloso,/ son geloso del gattino.//Se potessi per un giorno/ un gattino diventar,/dormirei in braccio a voi,/ mi farei accarezzare;// ma pensando, tutto insieme,/ come siete voi cattiva,/ vi grafferei questa faccia/ tanto bella e indifferente.// Poi scappassi sopra i tetti,/ dai ragazzi inseguito, senza fiato, ma contento/ che mi fossi vendicato.