‘O vi’ lloco ‘stu core appucundruto,

ca nun se vo’ pe’ niente rassignà…

e tu, senza ragione, ll’hê traduto…

e senza te, mo, nun vo’ cchiù campà!...

Tu saje ch’è sincero e nun te piente…

e si’ ‘nfame e crudele quanto maje…

e dillo mo ca nun è overo niente!...

Si nun te crede, se sulleva assaje!...

Qualche buscia nce vo’ pe’ ‘stu mumento

‘e turmiente… e nun sape ch’adda ‘ fa’!...

Ma c”o tiempo, c”o tiempo sulamente

forse si ‘a scampa isso te scurdarrà!...

Core traduto nun perdona maje!...

E l’odio durarrà pe’ tutt”a vita!...

Si ‘o bene è gruosso overamente assale

rimane sempe ‘o segno d”a ferita!...

‘Stu segno te rimane e te fa male,

specie si cagna ‘o tiempo cu ‘a stagione…

Si passa pure ‘o vierno a che te vale

‘na primavera senz”a passione?!...

Salvatore Ciampa

Da - ‘E penziere d”o core -

Fausto Fiorentino Editore

-Napoli 1973 -

Traduzione a cura di Rino Vittozzi

Cuore tradito!

Eccolo questo cuore ipocondrio,/ che non si vuol per niente rassegnare…/et, senza ragione, l’hai tradito…/e senza te, non vuole più vivere!// Tu lo sai che è sincero e non ti penti…/e sei infame e crudele quanto mai…/e dillo adesso che non è vero niente!.../Se non ti crede, si solleva molto!...// Qualche bugia ci vuole per questo momento/ di tormenti...e non sa che fare!.../ Ma col tempo, col tempo solamente/ forse se la scampa ti dimenticherà!...// Cuore tradito non perdona mai!.../E l’odio durerà tutta la vita!.../Se il bene è grande veramente assale/ Rimane sempre il segno della ferita!...// Questo segno rimane e ti fa male,/specie se cambia il tempo con la stagione…// Se passa anche l’inverno e che ti vale/ una primavera senza la passione?!...